සත්ත්ව පටක

අපිච්චද පටක

*පෘෂ්ඨවංශීන් දේහයේ සියලුම පෘෂ්ඨ අපිච්ඡද පටක මගින් ආස්තරණය කෙරේ . අපිච්ඡද පටකය ට අයත් සෛල අතර් එකට තදින් ඇසිරී ඇති අතර පාදස්ථ පටලයක් මත පිහිටයි .මෙම පටලය ට රුධිර සැපයුමක් නැත .

*අපිච්ඡද පටක පිහිටන ස්ථාන

රුධිර කේශ නාලිකා බිත්තිය
තයිරොයිඩ් ග්‍රන්ථි බිත්තිය
ආහාර මාර්ග බිත්තිය
සමේ අපිචර්මය

*කෘත්‍ය-

පෘෂ්ඨ ආස්තරණය කිරීම සහ ආරක්ෂාව සැපයීම
අවශෝෂක කෘත්‍ය
ස්‍රාවී කෘත්‍යය
පෙරීමේ කෘත්‍ය

සම්බන්ධක පටක

*සෛල වර්ග කිහිපයකින් සහ තන්තු වලින් සමන්විත ය . ස්නායු සැපයුමක් සහ රුධිර සැපයුමක් ඇත .සෛල සහ තන්තු විශාල පූරකයක් තුළ ගිලී පවතී

*කෘත්‍ය -

දේහයේ විවිධ පටක සහ සහ අවයව අතර සම්බන්ධතාව පවත්වා ගැනීම
සන්ධාරණය

*උදාහරණ -

අස්ථි පටකය
රුධිර පටකය ( විශේෂිත සම්බන්ධක පටකය කි . මෙය රුධිර ප්ලාස්මය ලෙස හඳුන්වන තරලමය පූරකයකින් සමන් විත වේ. රතු රුධිරාණු , සුදු රුධිරානු, රුධිර පට්ටිකා ලෙස වර්ග 3 කි. ද්‍රව්‍ය ප්‍රවාහනය , ආරක්ෂාව , සමස්ථිතිය පවත්වා ගැනීම ආදී කෘත්‍ය ඉටු කරයි . )

පේශි පටක

* පේශී සෛල හෙවත් පේශි තන්තු වලින් සමන්විත වේ . මෙම පේශි තන්තු සංකෝචනය සහ ඉහිල් වීමේ හැකියාවෙන් යුක්ත ය . මනා රුධිර සැපයුමක් පවතී.

*වර්ග තුනකි

සිනිඳු පේශි පටකය (සිනිඳු පේශි සෛල වලින් සෑදී ඇත . ආහාර මාාර්ගය , හා ගර්භාෂ බිත්තිය වැනි ස්ථානවල පිහිටා ඇත. . ශාකනය වී නොමැති ඒක සෛලික තර්කු රූපි හැඩති සෛල වලින් සෑදී ඇති මෙම පේශි අනිච්ඡානුග ව ක්‍රියා කරයි )
කංකාල පේශී පටකය (පෘෂ්ඨවංශීන්ගේ සංසරණය සහ චලන වලට දායක වේ .මෙම පේශී සෛල ඉච්ඡානුග ව ක්‍රියා කරයි . ද්වී ශීර්ෂ පේශිය , ත්‍රී ශීර්ෂ පේශිය , කකුලේ සහ මුහුණේ පේශි උදාහරණ වේ .)
හෘත් පේශි පටකය (හෘදයේ පමණක් දක්නට ලැබේ . මෙම පේශි පටක ඒකන්‍යෂ්ටික හරස් විලේඛ සහිත වන අතර අනිච්චානුගව ක්‍රියා කරයි)

ස්නායු පටකය

*ස්නායු පටකය තැනුම් ඒකකය නිව්රෝන වේ. මේවා ආවේග සම්ප්‍රේෂණය සඳහා විශේෂණය වී ඇත.

*නියුරෝන වල ලක්ෂණ

සෛල දේහය හා සෛල ප්‍රසර ලෙස කොටස් දෙකකි
න්‍යෂ්ටිය, ගොල්ගිසංකීර්ණය, රයිබසෝම ආදී ඉන්ද්‍රියිකා පිහිටයි
සෛල දේහයෙන් විහිදෙන එක් ප්‍රසරයක් වන අක්සනය දේහයෙන් ඉවතට ආවේග රැගෙන යයි
පෘෂ්ඨවංශීන්ගේ අක්සන වටා ආවේග සන්නයන වේගය වැඩි කරන මයලීන් කොපු පිහිටයි.

*නියුරෝන වල කෘත්‍ය

ප්‍රතිග්‍රාහක (ඇස ,කන ,නාසය ,දිව ,සම ) මගින් හෝ වෙනත් නියුරෝන මගින් ලබා ගන්නා තොරතුරු මධ්‍ය ස්නායු පද්ධතියට හෝ තවත් නියුරෝනයක ට සම්ප්‍රේෂණය කිරීම
මධ්‍ය ස්නායු පද්ධතියේ සිට කාරක වෙතට ආවේග සම්ප්‍රේෂණය
ඉටු කරන කෘත්‍ය අනුව නියුරෝන වර්ග තුනකි ( සංවේදක නියුරෝන , අන්තර් හාර නියුරෝන , චාලක නියුරෝන )